काठमाडौं । उपराष्ट्रपति नन्द बहादुर पुन बिहीबार काठमाडौंको दहचोकस्थित निजी निवासमा सरेका छन् ।
बिहीबार दिउँसो १ बजे उनी लैनचौरस्थित उपराष्ट्रपति निवासबाट चन्द्रागिरी नगरपालिका–१ दहचोकस्थित निजी निवासमा सरेका हुन् ।
३ चैतमा नयाँ उपराष्ट्रपति चयनका लागि निर्वाचन हुँदैछ । उपराष्ट्रपति निवासको आवश्यक मर्मत तथा सरसफाइ सहजताका लागि पुनले सरकारी निवास खाली गरिदिएको उनका प्रेस संयोजक मनोज घर्तीमगरले बताएका छन ।
३ चैतमा निर्वाचित उपराष्ट्रपतिले पदभार ग्रहण नगर्दासम्म पुन निजी निवासबाटै उपराष्ट्रपति कार्यालयमा आउजाउ गर्नेछन् ।
