एजेन्सी । यूईएफए च्याम्पियन्स लिग फुटबलको राउण्ड अफ १६ अन्तर्गत पहिलो लेगमा जर्मन क्लब फ्रान्कफर्ट इटालियन क्लब नापोलीसँग पराजित भएको छ ।
मंगलबार राति भएको खेलमा फ्रान्कफर्ट नापोलीसँग २–० ले पराजित भएको हो ।
खेलको ४० औं मिनेटमा भिक्टर ओसिमहेनले गोल गर्दै नापोलीलाई अग्रता दिलाएका थिए । त्यसपछि ६५ औं मिनेटमा जियोभानी डी लोरेन्जोले गोल गर्दै नापोलीलाई २–० ले जित दिलाए ।
खेलको ५८ औं मिनेटमा राण्डल कोलोले रातो कार्ड पाएपछि फ्रान्कफर्ट १० खेलाडीमा समेटिएको थियो ।
अब दुई टोलीबीचको दोस्रो लेग नापोलीको मैदानमा मार्च १६ मा हुनेछ ।
