काठमाडौं । निर्देशक दीपेन्द्र लामाको निर्देशनमा बन्न लागेको चलचित्र ‘नांगो गाउँ’मा साम्राज्ञी राज्यलक्ष्मी शाह र महेश शाक्य (कर्म) अनुबन्धित भएका छन् ।
सोमबार निर्माता र कलाकारबीच लिखित सहमति भएको हो । निर्देशक लामाले सो कुराको जानकारी सामाजिक सञ्जाल फेसबुक मार्फत दिएका छन् ।
उनले साम्राज्ञी र कर्मको तस्बिर सार्वजनिक गर्दै लेखेका छन्, ‘कर्म र साम्राज्ञीलाई पनि चलचित्र ‘नांगो गाउँ’ मा आवद्ध गराएका छौं ।’
उनले लेखेका छन्, ‘हिमाल शर्माको प्रस्तुति, जय श्रेष्ठको निर्माण र दीपेन्द्र लामाको लेखन तथा निर्देशन रहने यस चलचित्रमा यसअघि दयाहाङ राई, मिरुना मगर, शिशिर बाङ्देल, रवीन्द्र झा, बुद्धि तामाङ, पुष्कर गुरुङ लगायत कलाकार फाइनल भइसकेका छन् । ‘नांगो गाउ’लाई ‘पूना फिल्म इन्स्टिच्युट’ का प्रोडक्ट आलोक शुक्लाले छायांकन गर्ने छन् । आरआर फिल्म्सले वितरण गर्ने चलचित्र फागुन अन्तिम साता फ्लोरमा जाने छ ।’
लामाले यसअघि घामपानी, गोपी, छ माया छपक्कै र दुई नम्बरी जस्ता हिट चलिचत्र निर्देशन गरिसकेका छन् ।
