काठमाडौं । सुदूरपश्चिम प्रदेश सरकारका मुख्यमन्त्री राजेन्द्रसिंह रावल बिहीबार पद मुक्त भएपछि नेपाली कांग्रेसलाई सरकार बनाउने बाटाे खुलेकाे छ ।
बिहीबार राखेको विश्वासको मतको प्रस्ताव नै अस्वीकृत भएपछि प्रदेश सरकारमा सबैभन्दा ठूलो दलको हैसियतले नेपाली कांग्रेसलाई सरकार बनाउने बाटो खुलेको हाे ।
चुनावपछि संघदेखि प्रदेशसम्मै नयाँ सत्ता गठबन्धन बनेका कारण सबैतिर विपक्षी कित्तामा पुगेको नेपाली कांग्रेसलाई सुदूरपश्चिमबाट भने सत्तामा फर्किने बाटो खुलेको हो।
संविधानको धारा १६८ (३) मा ‘प्रदेशसभाको निर्वाचनको अन्तिम परिणाम घोषणा भएको मितिले ३० दिनभित्र उपधारा (२) बमोजिम मुख्यमन्त्री नियुक्त हुन सक्ने अवस्था नभएमा वा त्यसरी नियुक्त मुख्यमन्त्रीले विश्वासको मत प्राप्त गर्न नसकेमा प्रदेश प्रमुखले प्रदेशसभामा सबैभन्दा बढी सदस्य भएको संसदीय दलको नेतालाई मुख्यमन्त्री नियुक्त गर्नेछन्’ भनिएको छ ।
अब संविधानको यही प्रावधानअनुसार नेपाली कांग्रेसलाई सरकार बनाउने बाटो खुलेको हो ।
