काठमाडौं । अमेरिकी तल्लो सदन प्रतिनिधि सभामा विपक्षी रिपब्लिकन पार्टीले बहुमत ल्याएसँगै सभामुख न्यान्सी पेलोसीले राजीनामा घोषणा गर्नुभएको छ ।
आफूलाई दिइएको अहिलेसम्मको जिम्मेवारीका लागि कृतज्ञता व्यक्त गर्दै ८२ वर्षीया पेलोसीले नयाँ पुस्तालाई जिम्मेवारी हस्तान्तरण गर्न पाउँदा खुशी लागेको बताउनुभएको छ। सन् १९८७ देखि उहाँले सान्फ्रासिस्कोबाट प्रतिनिधि सभामा प्रतिनिधित्व गर्दै आउनु भएको छ ।
अमेरिकी इतिहासमा पहिलो महिला सभामुख बन्नुभएकी पेलोसीले संसदमा अल्पमतको नेताका लागि प्रयास भने नगर्ने बताउनु भएको छ । रिपब्लिकन पार्टीले केभिन म्याकार्थीलाई सभामुखको उम्मेदवारका लागि प्रस्ताव गरिसकेको छ ।
