पुष्कर खड्का
रामेछाप । काठमाडौंमा दोलखाका एक युवक मृत अवस्थामा फेला परेका छन् ।
मृत फेला पर्नेमा दोलखाको तामाकोशी गाउँपालिकाका ३० वर्षिय सुरज खड्का मृत फेला परेका हुन् । सिनामंगलस्थित सुकुम्बासी बस्तीमा किराना पसल सञ्चालन गर्दै आएका खड्का आज काठमाडौंको गैरीगाउँमा मृत फेला परेको प्रहरीले जनाएको छ ।
प्रहरीले दिएको जानकारी अनुसार खड्काको शरीरमा चोटपटक लागेको अवस्थामा शव फेला परेको र उनको शव पोष्टमार्टमका लागि त्रिवि शिक्षण अस्पतालमा पठाइएको जिल्ला प्रहरी परिसर काठमाडौंले जनाएको छ । घटनाको विषयमा थप अनुसन्धान भइरहेको प्रहरीले जनाएको छ।
