पुष्कर खड्का
रामेछाप । दोलखामा बुलेरो गाडि दुर्घटना भएको छ। बा १९ च ७३० नम्बरको बोलेरो गाडि बिच सडकमै ब्रेक फेल भई दुर्घटना हुँदा २ जना घाइते भएको प्रहरीले जनाएको छ।
प्रहरीको जानकारी अनुसार आज दिउँसो करिब पौने १ बजेतिर सिंगटीतर्फ जाँदै गरेको बा १९ च ७३० नम्बरको बोलेरो गाडि ब्रेक फेल भई कालिन्चोक गाउँपालिका वडा नम्बर ७ सुनखानी स्थित सिसागोलाइ र सित्का बिचको सडक खण्डमा दुर्घटना भएको ईलाका प्रहरी कार्यालय सिंगटीका प्रहरी निरीक्षक सानु तामाङले जानकारी दिनुभयो ।
उहाँको जानकारी अनुसार बोलेरो गाडी दुर्घटना हुँदा चालक प्रकाश पाठक र सहचालक उपेन्द्र पाठक सामान्य घाईते भएको छन् । घाइते भएको २ जनाको सिंगटी स्थित रोल्वालिङ अस्पतालमा उपचार भईरहेको ईलाका प्रहरी कार्यालय सिंगटीले जनाएको छ।
