काठमाडौं । अभिनेत्री नीता ढुंगाना र ज्योतिषी एवं अभिनेता हरिहर अधिकारी शुक्रबार विवाह बन्धनमा बाँधिदै छन् ।
सोमबार बेलुका ब्याचलरेट पार्टी सेलिब्रेट गरेकी नीताले मंगलबार पनि आफन्तसँग ब्राइड टु बी पार्टी मनाइन् । बुधबार नीताले हल्दी कार्यक्रम सकेर मेहन्दी लगाएकी छिन् ।
मेहन्दी कार्यक्रममा केही अभिनेत्रीहरूका साथै केही रंगकर्मी पत्रकारको सहभागिता रहेको थियो । मेहेन्दी समारोहमा नीताले प्रिन्टेड लेहेंगा लगाएकी थिइन् ।
उनले बुधबार मेहन्दी लगाएका तस्बिरहरु सामाजिक संजालमार्फत सार्वजनिक गरेकी थिइन् ।
चार वर्षदेखि प्रेम सम्बन्धमा रहेको यो जोडी विवाहमा परिणत हुन लागेको हो ।
