©पुष्कर खड्का
काठमाडौं । रामेछापको सुनापति गाउँपालिका बेथानबाट काठमाडौ जाँदै गरेको यात्रुबाहक बस लुभुघाटमा दुर्घटना भएको छ।
बा ३ ख ८३९६ नम्बरको अरनिको यातायातको बस मंगलबार बिहान खाँडादेवी गाउँपालिका -१ लुभुघाटमा दुर्घटना हुँदा ९ जनाको घटना स्थलमै मृत्यु भएको जिल्ला प्रहरी कार्यालय रामेछापका प्रहरी प्रमुख नायव उपरीक्षक राजकुमार थिङले जानकारी दिनु भयो ।
उहाँको जानकारी अनुसार दुर्घटनामा परी चार जना महिला र पाँच जना पुरुषको मृत्यु भएको छ भने २६ जना घाइते भएका छन् ।मृतक र घाइतेको पहिचान खुल्न बाँकी रहेको छ।
दुर्घटनमा परी गम्भीर घाइते भएका ३ जनालाई उपचारका लागि हेलिकप्टर मार्फत काठमाडौं पठाइएको र २३ जनालाई धुलिखेल अस्पताल काभ्रे पठाइएको जिल्ला प्रहरी कार्यालय रामेछापले जनाएको छ ।
