काठमाडौं । बैंक अफ काठमाण्डूले बैंकको कार्ड तथा मोबाइल बैंकिङ्ग प्रयोगकर्तालाई देशका विभिन्न स्थानमा ४५ प्रतिशतसम्मको छुट उपलब्ध गराउने भएको छ ।
देशभर रहेका विभिन्न होटल, रेस्टुरेन्ट, बुटिक, जिम, फिटनेस सेन्टर, अस्पताल, फार्मेसी तथा डेन्टल क्लिनिकहरूसँगको सम्झौतामा बैंकका कार्ड तथा मोबाइल बैंकिङ्ग प्रयोगकर्ताले छुट पाउने भएका हुन् ।
ग्राहकले विराटनगरको एयरपोर्ट चोकमा रहेको पर्पल हेज रेस्ट्रो एण्ड गार्डेनमा १५ प्रतिशत, झापा विर्तामोडको मीठो रेस्टुरेन्ट एण्ड थकाली किचेन र मिटिङ पोइन्ट रेस्टुरेन्ट एण्ड बारमा १० प्रतिशत छुट पाउनेछन् ।
यस्तै, चितवन सौराहको होटल अर्थ लाइट प्रालिमा २० प्रतिशत तथा ललितपुर ईमाडोलस्थित नोबेल होटल एण्ड स्वीमिङ कम्प्लेक्स, चिकेन स्टेशन र सोलमारी रस्ट्रो एण्ड मिटिङमा क्रमशः १०, १० र १५ प्रतिशत छुट पाउनेछन् ।
अस्पताल, फार्मेसी तथा डेन्टल क्लिनिक अन्र्तगत विर्तामोडको मेडिसिटी फार्मेसी, जनकपुरको रामजानकी अस्पताल र ईमाडोलको नमो मनकामना डेन्टल एण्ड क्लिनिकमा क्रमशः १०, १५ र २५ प्रतिशत छुटको व्यवस्था छ ।
साथै, बुटिक अन्र्तगत बैंकका कार्ड तथा मोबाईल बैंकिङ्ग प्रयोगकर्ताले विराटनगरको पिपलचोकमा रहेको तनाक्षा फेसन स्टुडियोमा १५ प्रतिशत र ढल्कोको सेप्स् फिटनेश जिममा ४५ प्रतिशतसम्मको छुट रहेको छ ।
छुट उपभोग गर्न ग्राहकले बैंकको कार्ड तथा मोबाइल बैंकिङ्गको प्रयोग गरी भुक्तानी गर्नुपर्नेछ ।
