एजेन्सी । दक्षिण भारतीय सुपरस्टार प्रभास अभिनित फिल्म ‘आदिपुरुष’को प्रदर्शन मिति घोषणा गरिएको छ ।
महाशिवरात्रीको दिन पारेर फिल्मको प्रदर्शन मिति घोषणा गरिएको हो । फिल्म सन् २०२३ जनवरी १२ तारिखदेखि प्रदर्शनमा आउने निर्देशक ओम राउतले सामाजिक सञ्जालमार्फत जानकारी दिनुभयो ।
प्रभास र कृति सेनन अभिनित फिल्म सुरुमा ११ अगस्ट २०२२ मा प्रदर्शन गर्ने भनिएको थियो । तर, आमिर खानको फिल्म ‘लालसिंह चढ्डा’ पनि सोही मितिमा प्रर्दशन हुने भएपछि निर्देशक राउतले फिल्मको प्रदर्शन मिति सारेका हुन् ।
३ सय ५० देखि ४ सय करोड रुपैयाँको लगानी रहेको फिल्ममा प्रभास र कृतिसँगै सेफ अलि खान र देवदत्त नागेको समेत अभिनय छ । फिल्मको कथालाई वाल्मिकीको रामायणबाट लिइएको हो ।
फिल्ममा प्रभासले श्रीरामको भूमिका निभाएका छन् भने सेफ अलि खानले रावणको अवतारमा देखिँदैछन् । कृति भने जानकीको भूमिकामा देखिएकी छन् ।
