काठमाडौं । गत सिजन लिग जितेर पनि एएफसी कप छनाेट खेल्न नपाएकाे मछिन्द्र फुटबल क्लब यसै वर्ष हुने एएफसी कप क्वालिफायरका लागि छनाेट भएकाे छ ।
जारी ए डिभिजन लिग अन्तर्गत आइतबार भएकाे साताै चरणकाे खेलमा नेपाल पुलिस क्लबलाई १-० ले पराजित गर्दै एएफसी कपमा छानिएकाे हाे । साताैं चरणपछि शीर्ष स्थानमा रहने क्लबले एएफसी खेल्न पाउने प्रावधान अनुसार मछिन्द्र ७ खेलबाट १७ अंक जाेडेर शीर्ष स्थानमा रह्याे ।
अघिल्लाे दिन ब्रिगेड ब्वाइज क्लबलाई पराजित गर्दै शीर्ष स्थानमा उक्लेर सम्भावना कायम राखेकाे थियाे । त्यसैले मछिन्द्रका लागि पुलिस विरुद्धकाे खेल जित्नैपर्ने बाध्यता थियाे । यस्ताेमा सुनिल बलले गरेको गोलमा मछिन्द्र विजयी भयो ।
