काठमाडौं । प्रधानमन्त्री शेरबहादुर देउवा आज स्कटल्याण्डबाट स्वदेश फर्कदै हुनुहुन्छ । संयुक्त राष्ट्रसंघीय संरचना महासन्धि (कोप–२६) को पक्षको २६ औँ सम्मेलनको वल्र्ड लिडर समिटमा भाग लिन देउवा बेलायत जानुभएको थियो ।
सम्मेलनमा भाग लिन २० सदस्यीय नेपाली प्रतिनिधिमण्डलको नेतृत्व गर्दै देउवा गत कात्तिक १२ गते लण्डन पुग्नुभएको थियो । प्रधानमन्त्री नेतृत्वको टोली कतार एयरवेजको उडानबाट दोहा हुँदै आज काडमाडौँ आउने कार्यक्रम छ ।
वन तथा वातावरणमन्त्री रामसहायप्रसाद यादव अहिले पनि सम्मेलनमा अन्य सत्रहरुमा व्यस्त रहनुभएकोले उहाँबाहेक भ्रमण टोलीमा रहेका अन्य सबैजना स्वदेश फर्किंदै हुनुहुन्छ । पाँचौँपटक प्रधानमन्त्री भएपछि देउवाको यो पहिलो विदेश भ्रमण हो ।
