रामेछाप ।  नेपाली काङ्ग्रेसको  १४ औं महाधिवेशनका लागि  चुनिनु पर्ने महाधिवेशन प्रतिनिधिहरूको मत परिणाम सार्वजनिक भै सकेको छ । रामेछाप कांग्रेसले यसपालीको मत परिणाम भने युवाको पोल्टोमा बर्चस्व कायम हुने गरि दिएको छ । खुल्ला पुरुष महाधिवेशन प्रतिनिधि तर्फ केहि पुराना नेताहरूलाई न्याय गरेको छ भने युवाहरूलाई समेत निर्वाचित गराएको छ ।रामेछाप कांग्रेसले  रामेछाप कांग्रेसका पुराना नेता अर्जुन केसीलाई खुल्ला पुरुष महाधिवेशन प्रतिनिधिमा पहिलो मत दिएर पठायो।

यता खुल्ला महिला तर्फको महाधिवेशन प्रतिनिधिमा भने गंगा अधिकारी जस्तो शसक्त उम्मेद्वारलाई समेत पछि पारेर बिनिता खड्का पहिलो मतका साथ खुल्ला महिला तर्फको महाधिवेशन प्रतिनिधि निर्वाचित भईन् । खड्का १९ वर्षको उमेरमै १३ औँ महाधिवेशनबाट महाधिवेशन प्रतिनिधि बनि सकेकी युवा नेतृ हुन् ।

खसआर्य पुरुष महाधिवेशन प्रतिनिधिमा महेश कार्कीले पहिलो मत ल्याए भने खसआर्य महिला महाधिवेशन प्रतिनिधिमा मिनाकुमारी कार्की निर्वाचित भईन ।

जनजाती पुरुष महाधिवेशन प्रतिनिधिमा नयाँ अनुहार गेल्जे शेर्पाले पहिलो मत ल्याएका छन् । जनजाती महिला महाधिवेशन प्रतिनिधिमा समेत कुमारी हायुले प्रथम मत ल्याएकी छिन् ।

त्यस्तै अल्पसंख्यकतर्फ शुक्र माझी अत्याधिक मतका साथ बिजयी भएका छन् भने दलिततर्फ वलबहादुर परियार बिजयी भएका छन् ।

रामेछाप नेपाली कांग्रेसबाट महाधिवेशन प्रतिनिधिका लागि बिजयीहरूको नामावली