काठमाडौं । कारोबार हुने साताको अन्तिम दिन सुन तोलामा ९ सय रुपैयाँले बढेको छ ।
बिहीबार तोलामा ८८ हजार ७ सयमा कारोबार भइरहेको सुनको मूल्य तोलामा ९ सयले बढेर ८९ हजार ६ सयमा कारोबार भइरहेको नेपाल सुनचाँदी व्यवसायी महासंघले जनाएको छ ।
यस्तै चाँदीको मूल्य पनि तोलामा २० रुपैयाँले बढेको छ । बिहीबार ११ सय २० रुपैयाँ प्रतितोलामा कारोबार भइरहेको चाँदी ११ सय ४० रुपैयाँ प्रतितोलामा कारोबार भइरहेको महासंघले जनाएको छ ।
अन्तर्राष्ट्रिय बजारमा यति बेलासम्म सुन प्रतिऔंस १७ सय ५५ र चाँदी २२ डलर हाराहारीमा कारोबार भइरहेको छ ।
