काठमाडौं । जलविद्युतको विकासबाट मात्र मुुलुकको आर्थिक विकास हुनेमा जलस्रोतविद्हरूले बताएका छन् ।
संखुवासभा–काठमाडौ पत्रकार समाजले काठमाडौंमा गरेको ‘हाइड्रोपावरको सम्भावना र चुनौती’ विषयक कार्यक्रममा उनीहरूले जलस्रोतको उचित प्रयोगबाट मात्र मुलुको विकास सम्भव हुने बताएका हुन् ।
पूर्व उर्जासचिव दिनेश घिमिरेले देशका अन्य जिल्ला भन्दा संखुवासभामा हाइड्रोपावरको प्रशस्त सम्भावना भएको भन्दै जनताको विद्युत कार्ययोजना अनुसार लगानी गर्ने वातवरण हुनु पर्नेमा जोडदिनुभयो ।
उर्जाविद् डेडराज खड्का, शैलेन्द्र गुराँगाई, अर्जुन गौतमलगायतले माथिल्लो अरुणजस्ता आयोजना जनताको लगानीमा बन्नुपर्नेमा जोड दिनुभयो ।
अरुण तेस्रो निमार्णाधीन अवस्थामा रहेको र तल्लो अरुण, माथिल्लो अरुणजस्ता आयोजनाको विश्व बैंकबाट सर्भे भइसकेकाले जनताको लगानिमा बन्नुपर्नेमा सहभागीहरूको जोड थियो ।
