काठमाडौं । नेपाली कांग्रेसका नेता गगन थापाले अक्सिजन आपूर्ति र वितरणको गांठो फुकाउन र जनताको जीवन जोगाउन तत्काल पहल गर्न प्रधानमन्त्रीसँग अनुरोध गर्नुभएकाे छ ।थापाले ट्वीटरमार्फत प्रधानमन्त्रीसँग जनताको जिवन रक्षाको पहल गर्न अनुरोध गर्नु भएको हो । थापा लेख्नुहुन्छ ‘अक्सिजनको अभावमा बिरामी र तिनका आफन्तको छटपटी अनि अस्पतालहरू अत्तालिएर सेवा नै बन्द गर्न परेको हृदय विदारक अवस्था छ।’
ट्वीटसँगै थापाले भिडियाे पनि जारी गर्नुभएकाे छ । जहाँ जनता अक्सिजन अभावले छटपटिरहेकाले त्यसतर्फ ध्यान दिन आग्रह गर्नुभएकाे छ ।
