काठमाडौं । कोरोना पोजेटिभ देखिएका सांसदहरुले भोलि प्रतिनिधिसभामा हुने विश्वासको मतको प्रक्रियामा सहभागी हुन पाउने भएका छन् ।
प्रतिनिधिसभामा भोलि केपी शर्मा ओलीले विश्वासको मत लिँदै हुनुहुन्छ । आज बसेको कार्यव्यवस्था परामर्श समितिको बैठकले प्रतिनिधिसभाका कोरोना संक्रमित २६ सांसदलाई विश्वासको मतको प्रक्रियामा सहभागी गराउने निर्णय गरेको हो ।
संसद सचिवालयका प्रवक्ता डा रोजनाथ पाण्डेले कोरोना संक्रमित सांसदहरुलाई पनि मतदानमा सहभागी हुने व्यवस्था मिलाउने निर्णय भएको जानकारी दिनुभयो ।प्रतिनिधिसभाको बैठकमा पीसीआर टेष्ट गरेर रिपोर्ट नेगेटिभ आएका सांसदले मात्र प्रवेश पाउने पनि पाण्डेले बताउनुभयो । हालसम्म प्रतिनिधिसभाका २६ सांसदमा कोरोना पोजेटिभ देखिएको छ भने केही सांसदको रिपोर्ट भोलि बैठक अघि आउने संसद सचिवालयले जनाएको छ ।
