काठमाडौं । नेपाली कांग्रेसको संसदीय दलको बैठक आज दिउँसो बस्दै छ। दिउँसो २ बानेश्वरस्थित संघीय संसद भवनको ल्होत्से हलमा बैठक बस्ने छ ।
वैशाख २७ गते बस्ने प्रतिनिधिसभाको बैठकका सन्दर्भमा रणनीति बनाउन बैठक बस्न लागेको हो । सोही दिन प्रधानमन्त्री केपी शर्मा ओलीले विश्वासको मत लिने छन् । पछिल्लो राजनीति घटनाक्रमका बारेमा पनि बैठकमा छलफल हुने बताइएको छ ।
यसअघि मंगलबार सभापति शेरबहादुर देउवाको निवासमा बसेको पदाधिकारी बैठकले ओलीलाई विश्वासको मत नदिने र विफल पार्ने निर्णय गरेको थियो।आजको बैठकमा पार्टी सभापति शेरबहादुर देउवाले पछिल्लो राजनीतिक घट्नाक्रमबारे सांसदहरूलाई जानकारी गराउने छन्।
