काठमाडौं,। एमाले अध्यक्ष केपी शर्मा ओलीले स्थायी समिति पुनर्गठन गर्दै १९ सदस्यीय स्थायी कमिटी बनाउनु भएको छ ।
प्रधानमन्त्री निवास बालुवाटारमा बसेको दशौं राष्ट्रिय महाधिवेशन आयोजक कमिटीको बैठकमा अध्यक्ष ओलीले खनाल-नेपाल पक्षका कुनै पनि नेतालाई समावेश नगरी स्थायी समिति घोषणा गर्नुभएको हो ।समितिमा बामदेव गौतम र माओवादीबाट एमालेमा आएका रामबहादुर थापासहित ४ जनालाई भने समेटिएको छ ।बैठकले कर्णाली प्रदेशमा संसदीय दलको ह्वीप उल्लंघन गरी माओवादी नेतृत्वको सरकारको पक्षमा मतदान गर्ने चार जना प्रदेश सांसदलाई साधारण सदस्य समेत नरहने गरी बर्खास्त गरेको छ ।
यसरी बर्खास्त हुनेहरुमा प्रकाश ज्वाला, अम्बरबहादुर थापा, कुर्मराज शाही र नन्दबहादुर बुढा हुनुहुन्छ ।ह्वीप उल्लंघन गर्ने देवी ओलीलाई भने दोहो¥याएर स्पष्टिकरण सोध्ने निर्णय पनि बैठकले गरेको छ ।यस्तै, बैठकले पार्टीका केन्द्रीय सदस्यहरुलाई भूगोल, विभाग र जनसंगठनमा कार्यविभाजनसहित जम्मेवारी दिएको छ ।
यस्तै पार्टी हित विपरित गतिविधि गरेको भन्दै स्पष्टीकरण सोधिएका खनाल-नेपाल पक्षका संघीय संसदका २७ जना सांसदको स्पष्टिकरणको अध्ययन गरी निर्णय गर्ने अधिकार पनि स्थायी समितिलाई दिइएको छ ।यस्तै बैठकले आगामी जेठ ६ गते हुने राष्ट्रिसभा निर्वाचनमा एमालेको तर्फबाट रामबहादुर थापालाई नै उम्मेदवार बनाउने निर्णय समेत गरेको छ ।बैठकले दिनानु दिन बढ्दै गएको कोभिड संक्रमणलाई रोक्न सरकारलाई थप प्रभावकारी कदम चाल्नसमेत सरकारको ध्यानाकर्षण गराएको छ ।
