एजेन्सी । भारतको महाराष्ट्र नासिकस्थित एक अस्पतालमा अक्सिजन ट्यांक लिक हुँदा ११ जनाको मृत्यु भएको छ ।
घटनामा परी ३५ जना बिरामीको अवस्था गम्भिर रहेको भारतीय सञ्चारमाध्यमले जनाएका छन् ।अक्सिजनको आपूर्ति रोकिएको समयमा १५० जना बिरामी रहेका थिए ।जसमध्ये २३ जनालाई भेन्टिलेटरमा राखिएको थियो ।
अक्सिजन लिक हुँदा आधा घंटासम्म आपूर्ती बन्द भएको थियो ।अक्सिजन आपूर्ति रोकिँदा अस्पतालमा भागदौड मच्चिएको थियो ।ट्याकंरको माध्यमबाट अक्सिजन भर्ने क्रममा लिक भएको बताइएको छ ।
प्राविधिकहरुको सहयोगमा समस्या समाधान गरिएको छ । घटनाको जिल्ला प्रशासनले अनुसन्धान शुरु गरेको बताइएको छ ।लिकपछि अस्पतालमा २५ प्रतिशत मात्र अक्सिजन बाँकी रहेको बताइएको छ ।अक्सिजनको कमी भएपछि कोरोना संक्रमित बिरामीहरु मारमा परेका छन् ।
