काठमाडौं । संघीय निजामती सेवा विधेयकसम्बन्धी राज्य व्यवस्था समितिको प्रतिवेदन प्रतिनिधिसभामा पेश भएको छ । सोमबारको बैठकमा समितिकी सभापति शशी श्रेष्ठले ‘संघीय निजामती सेवा विधेयकसम्बन्धी समितिको प्रतिवेदन, २०७७’ पेश गरेकी हुन् ।

प्रतिनिधिसभामा सोमबार नै ‘अख्तियार दुरुपयोग अनुसन्धान आयोग आर्थिक वर्ष २०७६–०७७ को वार्षिक प्रतिवेदन’ पेश भएको छ । प्रधानमन्त्री केपी शर्मा ओलीका तर्फबाट कानून, न्याय तथा संसदीय मामिलामन्त्री लीलानाथ श्रेष्ठले सदन समक्ष प्रतिवेदन पेश गरेका हुन् । प्रतिनिधिसभा, सार्वजनिक लेखा समितिका सभापति भरतकुमार शाहले आफ्नो समितिको बार्षिक प्रतिवेदन २०७७ पनि सदन समक्ष पेश गरे ।