काठमाडौं । नेपाली राष्ट्रिय फुटबल टिम (पुरुष) का मुख्य प्रशिक्षकमा कुवेती नागरिक अब्दुल्लाह अलमुताइरीले जिम्मेवारी पाएका छन् । अखिल नेपाल फुटबल संघ (एन्फा) ले टेक्निकल कमिटीको सिफारिसअनुसार १ वर्षका लागि उनलाई राष्ट्रिय टिमको जिम्मेवारी दिएको हो ।
आगामी जुन महिनामा हुने विश्वकप छनोटका ३ खेल र यही सेप्टेम्बरमा हुन गइरहेको साफ च्याम्पियनसिपमा नेपाली टिमलाई उनले सम्हाल्नेछन् । अब्दुल्लाहले नेपाली राष्ट्रिय टिममा थ्री नेसन्स कप विजेता प्रशिक्षक बाल गोपाल महर्जनको स्थानमा कुवेती अब्दुल्लाह अलमुताइरीले जिम्मेवारी पाएका हुन् ।
विश्वकप छनोट खेल्ने टिमको मुख्य प्रशिक्षकसँग प्रो लाइसेन्स हुनुपर्ने नियम फिफाले ल्याएपछि एन्फाले अब्दुल्लाहलाई प्रशिक्षक बनाएको हो ।
यसअघि कतार,किर्गिस्तान,साउदी अरेबिया र कुवेतका विभिन्न टिममा रहेर अब्दुल्लाहले जिम्मेवारी बहन गरिसकेका छन् ।
