काठमाडौं । जनता समाजवादी पार्टी (जसपा) का नेताहरु बालुवाटार पुगेका छन् ।
सत्तासमिकरणबारे छलफल गर्न महन्थ ठाकुरलगायत नेताहरु प्रधानमन्त्री केपी शर्मा ओली भेट्न बालुवाटार पुगेका हुन् ।
ठाकुरसँगैं जसपाका सर्वेन्द्रनाथ शुक्ला र लक्ष्मणलाल कर्ण पनि बालुवाटार पुगेका छन् । यसअघि गत सोमबार पनि ओली र जसपाका नेताहरुबीच भेट भएको बताइएको छ ।
जसपामा सरकारमा जाने र नजानेबीच दुई धार देखिएको छ । ठाकुर र राजेन्द्र महत्तोलगायतका नेता सरकारमा जाने पक्षमा देखिएका छन् भने उपेन्द्र यादव र बाबुराम भट्टराइलगायत नेताहरु सरकारमा जान नहुने पक्षमा उभिएका छन् ।
पार्टीमा देखिएको दुई घारका कारण जसपाले सत्तामा जाने निर्णय लिन सकेको छैन् ।
