सर्वोच्च अदालत र निर्वाचन आयोगको आदेश एवं निर्णयलाई स्वीकार गर्दै नेपाल एमाले नामको नाम फेरेर जनताको जनवाद पार्टी गठन गरिएको पार्टीका महामन्त्री मनिष उपाध्यायले न्यूज २४ लाई जानकारी दिनुभयो ।
उहाँले अदालतको आदेश पछि आफुहरु पार्टीको नाम परिवर्तन गर्न बाध्य भएको तर मदन भण्डारीले लिएको जनताको बहुदलीय जनवाद जबजको नीति भने पार्टीले अख्तियार गर्ने समेत बताउनुभयो ।
एमाले नाम लिएर आफुहरु पूर्वदेखि पश्चिमसम्म पुगिसकेको तर मुलुकको विकसित पछिल्लो परिस्थितिको सम्मान गर्दै आफुहरुले नाम फेरे पनि काम र नीति भने नफेर्ने पनि बताउनुभयो । पार्टी केन्द्रीय कमिटीको आज बसेको बैठकले निर्णय लिएपछि निर्वाचन आयोग पुगेर एमालेले आफ्नो नाम परिवर्तन गर्न निवेदन दर्ता गराएको थियो ।
अब एमाले जनताको जनवाद पार्टी नामले अघि बढ्ने पनि महासचिव उपाध्यायले न्यूज २४ लाई बताउनुभयो ।
