काठमाडौं, /नेकपा एमाले वरिष्ठ नेता भीम रावलले पार्टी तीन वर्ष अगाडि जुन स्थितिमा थियाे, त्यही स्थितीमा चल्नुपर्ने बताउनु भएको छ ।सोमबार धुम्बाराहीमा भएको ओली–नेपाल समूहको छलफलपछि सञ्चारकर्मीसँग बोल्दै पार्टीलाई एकताबद्ध ढंगले अघि बढाउने पहिल्यकै अवस्था फर्कनुपर्ने उहाँले बताउनुभयो ।
उहाँले भन्नुभयो,‘हामी ३ वर्ष अगाडि जुन स्थितिमा थियौँ, त्यही स्थितिमा चल्नुपर्छ । सर्वोच्च अदालतको निर्णयपछि गरिएका विभिन्न केन्द्रीय समितिका निर्णयहरु शून्यमा पुग्नुपर्ने छ ।’
साथै, फागुन २८ गते भएका निर्णयहरुबारे छलफल भए पनि पूर्ण रुपमा त्यसको निष्कर्ष नआएको नेता रावलले जानकारी दिनुभएको छ । उहाँका अनुसार सर्वाेच्च अदालतको फैसलापछि राजनीतिक, वैचारिक दृष्टिकोणले पूर्ववत रुपमै फर्किएका छौँ ।
उहाँले भन्नुभयो, ‘साझा निर्णयबमोजिम कामकारबाही गरिनुपथ्र्याै तर, यस विषयमा सोमबार पूर्ण छलफल भएको छैन । अब कहिले छलफल हुन्छ आगामी बैठकमा बसेर फेरि कुराकानी हुने छ ।’
अध्यक्ष एवं प्रधानमन्त्री केपी शर्मा ओली र वरिष्ठ नेता माधवकुमार नेपाल समूहबीच भएको बैठक बिनानिष्कर्ष टुंगिएको छ । नेपाल पक्षका नेता भीम रावलले सोमबारको बैठक पूर्ण रुपमा छलफल नभएको र आगामी बैठक कहिले बसिन्छ भनेर टुंगो पनि नलागेको बताउनु भएको छ ।
