मुख्यमन्त्री पौडेलले खोप पूर्णरुपमा सुरक्षित रहेको विश्व स्वास्थ्य संगठनले जनाएको बताउनुभएको छ । उहाँले सरकारले तोकेको उमेर समूह एवं लक्षित नागरिकहरूले प्रटोकल अनुसार नजिकको खोप केन्द्रमा गइ खोप लगाइ सुरक्षित रहन आग्रह गर्नुभएको छ ।

सरकारले फागुन २३ गते आइतबाट देशभर जेष्ठ नागरिलाई कोरोना भाइरस विरुद्धको खोप लगाउने अभियान सुरु गरेको छ ।

६५ वर्षभन्दा माथिका ज्येष्ठ नागरिकलाई १० दिनसम्म खोप लगाइनेछ । ११ औँ दिनदेखि ५५ वर्षदेखि ६४ वर्ष उमेर समूहका ज्येष्ठ नागरिकलाई खोप लगाउने कार्यक्रम रहेको छ ।

यसअघि माघ १४ गतेदेखि पहिलो चरणमा अग्रपंतिमा रहेका स्वास्थ्यकर्मी, सुरक्षाकर्मी, सार्वजनिक संस्था कर्मचारी, पत्रकारलगायतलाई खोप दिइएको थियो । नेपालमा अक्स्फोर्ड–एस्ट्राजेनेकाले विकास गरेको र भारतको सिरम इन्स्टिच्यूटले उत्पादन गरेको कोभिसिल्ड खोप प्रयोग भइरहेको छ ।