सबैकालागी पर्यटनः पहुचयोग्य विश्वब्यापी पर्यटनको प्रवर्धन भन्ने नारासहित हरेक वर्ष सेप्टेम्वर २७ का दिन अन्तराष्ट्रिय पर्यटन दिवस मनाइन्छ ।
पर्यटन क्षेत्र वास्तवमा देशको लागी आर्थिक मेरुदण्डका रुपमा लिने गरिन्छ । तर यस वर्ष भने कोरोना भाइरसको महामारीका कारण पर्यटन व्यवसाय ठप्प रहेको छ । पर्यटन व्यवसाय ठप्प हुदा पर्यटन मजदुरहरुको जीविकामै गम्भीर समस्या पर्दा पनि पर्यटन क्षेत्रका मजदुरको अधिकार र अस्तित्व रक्षाका लागि कुनै पनि काम नगरेको भन्दै पर्यटन मजदुर संघर्ष समितिले आइतबार पर्यटन बोर्ड अघि नाराबाजीसहित प्रर्दशन गरको छ । पर्यटन मजदुर संघर्ष समितिले पर्यटन मजदुरको सुरक्षा तथा रोजीरोटीको सुनिश्चितताको माग लगायतका प्लेकार्ड प्रदर्शन गरेका छन् । आन्दोलित पर्यटन मजदुरले आफूहरुको हितमा पर्यटन मन्त्रीले र नेपाल पर्यटन बोडले कुनै पनि काम गर्न नसकेको भन्दै राजीनामा माग गरेको छन् ।
पर्यटन मजदुरले पटक पटक सरकार समक्ष माग राखेको भएता पनि त्यस तर्फ सरोकारवाला निकाय र सरकार कसैको पनि ध्यान जान नसकेको हुदा आन्दोलन गनुपर्ने अवस्था सिर्जना भएको पर्यटन मजदुर संघर्ष समितिका अध्यक्ष प्रकाश घायल राईले जिकिर गरेका छन्।
।
नेपालको पर्यटन क्षेत्रको रक्षाका लागि सरकारले काम गर्न नसकेको भन्दै छिटो भन्दा छिटो सदाका लागि पर्यटन मजदुरको रोजीरोटी ग्यारेन्टी गर्नुपर्ने पर्यटन मजदुर संघर्ष समितिका सल्लाहकार राम मगरको भनाइ रहेको छ बाइट
पर्यटन व्यवसायलाई धान्न पर्यटन मजदुरहरुको ठुलो भुमिका रहने भएता पनि लक डाउनका कारण ६ महिना देखि पर्यटन मजदुरहरु घरमै थुनिदा पनि पर्यटन मजदुरका लागी सरकारले निरुत्साहित गरेको भन्दै आइतबार पर्यटन दिवस भए पनि आफूहरुका लागि यो कालो दिन रहेको मजदुरहरुले बताएका छन् ।
नेपालाई पर्यटन क्षेत्रमा आर्थिक रुपमा चलायमान बनाउन, व्यवसायलाई क्रियाशील बनाई यसमा आश्रित तथा कार्यरत जनशक्तिलाई उत्साहित गर्ने र यस्तो अवस्थालाई सहजतातर्फ उकास्न सबै सरोकारवाला पक्षले ध्यान दिन आवश्यक छ ।
