प्रहरी हवल्दारमाथि चक्कु प्रहार !
जन न्युज नेपाल खवर प्रतिनिधि दाङ
दाङ / गएराति जिल्ला प्रहरी कार्यालय दाङकै अगाडि होटलमा प्रहरी हवल्दार खडक खत्री र होटल साहुनीबीच विवाद हुदा होटल साहुनीले हवल्दार खत्रीलाई चक्कु प्रहार गरेकी छन् ।
दुवै पक्षबीच सामान्य भनाभन नै विवादमा परिणत हुँदा ती महिलाले प्रहरीमाथि चक्कु प्रहार गरेकी अनुसन्धानबाट खुलेको जिल्ला प्रहरी कार्यालय दाङका एसपी गणेश चन्दले जनाएका छन् ।
घाइते हवल्दारको राप्ती स्वास्थ्य विज्ञान प्रतिष्ठानमा उपचार भइरहेको छ ।
चक्कु प्रहार गर्ने महिलालाई प्रहरीले नियन्त्रणमा लिएको हुदा थप अनुसन्धान भइरहेको र कानुनी कारबाही हुने समेत एसपी चन्दले जन न्युज नेपाल खवरलाइ बताए ।
