भक्तपुरबाट ठूलो परिमाणमा लागुऔषध बरामद, दुई जना पक्राउ !
जन न्युज नेपाल खवर प्रतिनिधि भक्तपुर
काठमाडौं । नेपाल प्रहरीको अपराध महाशाखाले ठूलो परिमाणमा लागुऔषध सहित दुई जना व्यक्तिलाई पक्राउ गरेको जानकारी दिएको छ ।
वीरगञ्जबाट ट्रकमा आएकाहरु भक्तपुरबाट पक्राउ परेका हुन् । ना ३ ख ९०८९ नम्बरको ट्रकसहित उनीहरुलाई पक्राउ गरिएको हो ।पक्राउ परेका व्यक्ति, लागुऔषधको नाम र परिमाण लगायतका विस्तृत विवरण प्रहरीले खुलाएको छैन ।
अपराध महाशाखाका प्रमुख एसएसपी दीपक थापाले भने, ‘अनुसन्धान जारी रहेकाले सबै कुरा अहिले नै सार्वजनिक गर्न मिल्दैन । अपरेसन पूरा भयो भने हामी पत्रकार सम्मेलन गरेरै जानकारी दिन्छौं ।’
