धरानमा कोठामै लागूऔषध सञ्चय तथा बिक्री गर्ने युवक पक्राउ !
जन न्युज नेपाल खवर प्रतिनिधि :
काठमाडौँ । धरानमा एक युवाले कोठामै लागुऔषध सञ्चय तथा बिक्री वितरण गर्दै आएको गोप्य सूचना इलाका प्रहरी कार्यालय धरानमा पुगेपछि एक युवालाई प्रहरीले पक्राउ गरेको छ ।
आइतबार साँझ ६ बजे धरान उपमहानगरपालिका– १० स्थित कोठा भाडामा लिएर बस्दै आएका र कोठामा सामान्य लागूऔषध पसल जस्तै बनाएर बसेका २४ वर्षीय प्रतिक दाहाललाई प्रहरीले पक्राउ गरेको हो । इलाका प्रहरी कार्यालय धरानका इन्सपेक्टर हेमराज ओलीले बताएका छन् उनको भनाइ अनुसार दाहाललाई उनकै कोठाबाट लागुऔषध सहित पक्राउ गरिएको हो ।
उनको कोठाबाट रातो हाते युजन थ्रो बजारे झोलाभित्र Diazelab Pheniramine / Lupigesic क्रमशः २२ एम्पुल, २२ एम्पुल र २२ एम्पुल गरी २२ सेट ६६ एम्पुल लागुऔषध बरामद भएको छ । दाहाललाई सुनसरी जिल्ला अदालतबाट लागुऔषध मुद्दामा ५ दिनको म्याद थप गरी अनुसन्धान भइरहेको धरान प्रहरीले जनाएको छ ।
