मुम्बई । गत शनिबार सम्पन्न भएको ६५ औं फिल्मफेयर अवार्डमा ‘गली व्वाई’ले १४ वर्षको कीर्तिमान तोडेको छ । फिल्मले यस संस्करणमा कुल १३ विधाको अवार्ड जित्दै १४ वर्ष पुरानो कीर्तिमान तोडेको हो ।
फिल्मले अवार्डमा यस वर्ष सर्वाधिक अवार्ड जित्ने फिल्मसँगै फिल्म फेयरको इतिहासमा एकै वर्ष सर्वाधिक अवार्ड जित्ने फिल्मको समेत कीर्तिमान बनाएको छ । सन् २००५ मा रानी मुखर्जी तथा अमिताभबच्चन अभिनित ‘ब्ल्याक’ फिल्मले ११ विधाको अवार्ड जित्दै बनाएको कीर्तिमान तोडेको हो ।
सो समयमा ‘ब्ल्याक’ले १९९५ मा रिलिज भएको ‘दिलवाले दुल्हनिया ले जाएंगे’ र सन् २००२ मा ‘देवदास’ले जितेको १० अवार्डको कीर्तिमानलाई तोडेको थियो । ६५ औं फिल्म फेयरमा ‘गल्ली व्वाई’ले उत्कृष्ट फिल्मसहित उत्कृष्ट अभिनेता, उत्कृष्ट अभिनेत्री, उत्कृष्ट निर्देशक, उत्कृष्ट पटकथा गरी १३ विधामा अवार्ड हात परेको छ । एजेन्सी
