काठमाडौं। भारतीय क्रिकेट टिमका पूर्व विष्फोटक ब्याट्सम्यान वीरेन्द्र सहवागले नेपाली क्रिकेट टिमलाई वन डे मान्यता पाएकोमा बधाइ दिएका छन् । उनले नेपालले वन डे क्रिकेटको मान्यता पाएर ‘कमाल गरेको’ उनले टिप्पणी गरे ।
आफूले यसअघि नेपाल र भारतबीचको अण्डर १९ खेल हेरेको भन्दै सहवागले नेपाल यु–१९ ले भारतको यु–१९ क्रिकेट टिमलाई हराउँदा निकै मजा आएको बताए । उनी आफू भने अहिलेसम्म नेपाल नआएको बताएका छन् । ‘सुनेको छु नेपाल निकै प्यारो देश छ र त्यहाँका जनता पनि निकै प्यारा छन्’ सहवागले भनेका छन् ‘यसपल्ट नेपाल गएर त्यहाँका जनतासँग भेट्न मन लागेको छ ।’ भिडियोमा हेर्नुहोस् के–के भने सहवागले ।
