काठमाडौं । वागमती सफाई अभियान ६ सयौँ हप्तामा प्रवेश गरेको छ । शनिवार काठमाडौंमा सरसफाई अभियान ६ सयौँ हप्तामा प्रवेश गरेको अवसरमा काठमाडौंमा एक कार्यक्रमको आयोजनासमेत गरिएको थियो । कार्यक्रमबारे जानकारी दिँदै वागमती प्रदेशका राष्ट्रिय प्रजातन्त्र पार्टीका सांसद सुनिल केसीले आफ्नो व्यक्तिगत समय छुट्याएर सरसफाईमा जोडिनुपर्ने बताए ।
उनले सबैले आफ्नो समय छुट्याएर हप्तामा एक पटक नदीको सरसफाईमा जुट्न आह्वान गरे । वागमती संस्कृति र संस्कारसँग जोडिएकाले पनि सरसफाईमा जोडिनुपर्ने उल्लेख गरे । कार्यक्रमबारे जानकारी दिँदै नेपाल सरकारका पूर्वमुख्यसचिव लिलामणि पोखरेलले वागमती सरसफाई अभियान स्वयंसेवी अभियान भएको बताए । सातामा एक दिन दुई घण्टा राष्ट्रका नाममा स्वयंसेवक भन्ने अभियानअनुसार काम गरिरहेको बताए ।
उनले शुरु गरेदेखि कुनैपनि हप्तामा सरसफाई नरोकिएको बताए । उनले वागमती सरसफाई अभियान राष्ट्रिय जागरणको अभियान भएको बताए । उनले अभियानमा १२ लाख मानिस जोडिनुका साथै २० हजार मेट्रिकटन भन्दा बढी फोहोर उठाएको बताए । वागमती अभियन्ताहरुले यस समयावधिमा ६ हजार भन्दा बढी वृक्षारोपण गरिसकेको पनि बताए ।
