काठमाडौं । राष्ट्रिय स्वतन्त्र पार्टी “रास्वपा”का सभापति रवि लामिछानेविरुद्ध रुपन्देही जिल्ला अदालतबाट समेत पक्राउ पुर्जी जारी भएको छ ।
जिल्ला अदालत रुपन्देहीले बिहीबार लामिछानेविरुद्ध पक्राउ पूर्जी जारी गरेको हो ।सुप्रिम सहकारी ठगी प्रकरणमा अनुसन्धान गर्नका लागि लामिछानेसहित १२ जनाविरुद्ध पक्राउ पुर्जी जारी भएको हो ।
पोखराको सूर्यदर्शन सहकारी संस्थाको रकम अपचलन सम्बन्धमा अनुसन्धानका लागि हाल लामिछाने जिल्ला प्रहरी कार्यालय पोखराको हिरासतमा छन् ।
प्रहरीले बिहीबार थप ७ दिन हिरासतमा राख्न जिल्ला अदालतबाट अनुमति पनि लिएको छ । उनी गत कार्तिक २ गते बनस्थलीस्थित पार्टी कार्यालयबाटै पक्राउ परेका थिए ।
