काठमाडौं । सर्वोच्च अदालतले सिधाकुरा डट कमले प्रकाशन र प्रसारण गरेको भ्रामक समाचार २४ घण्टाभित्र हटाउन आदेश दिएको छ ।
सर्वोच्चका न्यायाधीशद्वय डा.नहकुल सुवेदी र टेकप्रसाद ढुंगानाको संयुक्त इजलासले समाचार सामाग्री २४ घण्टाभित्र हटाउन आदेश दिएको हो ।
त्यस्तै उक्त विषयसँग सम्बन्धित अन्य कार्यक्रम र समाचार उत्पादन, प्रशारण र पुनः प्रशारण लगायत कुनै कार्य नगर्न अदातलले आदेश दिएको छ ।
त्यस्तै आदेशमा सिधाकुराले उठान गरेको विषयवस्तुको सत्यतथ्य तथा प्राविधिक पक्षको विस्तृत अनुसन्धान हुनुपर्ने देखिँदा आवश्यक अनुसन्धान गरी प्रचलित फौजदारी कानुनको उल्लङ्घन गरिएको देखिएमा कानुनबमोजिम कारबाही अघि बढाउन र सो को प्रतिवेदन १५ दिनभित्र महान्यायाधिवक्ताको कार्यालयमार्फत पेश गर्नु भनी प्रहरी महानिरिक्षकलाई लेखी पठाउन भनिएको छ ।
सिधा कुराले ‘द डार्क फाइल’ नामक श्रृङ्खला सार्वजनिक गरेको थियो ।
