पत्रकार बलराम बानियाँ मृत अबस्थामा भेटिए !
नमुना दहाल कार्की !
२८ साउन, काठमाडौं । सोमबारदेखि हराइरहेका पत्रकार बलराम बानियाँको आज शव भेटिएको छ ।
मकवानपुरको सिस्नेरीस्थित माण्डो जलविद्युत आयोजनामा उनको शव भेटिएको अपराध अनुसन्धान महाशाखाका प्रमुख एसएसपी दीपक थापाले जन न्युज नेपाल खवरलाइ जानकारी दिए ।
परिवारका सदस्यलाई फोटो देखाएर शवको सनाखत गरिएको पनि उनले बताए ।
बानियाँ दुई दिनदेखि घर नफर्किएको भन्दै परिवारले महानगरीय प्रहरी परिसर, काठमाडौं र अपराध अनुसन्धान महाशाखा, बानेश्वरमा उजुरी दिएको थियो ।
अपराध महाशाखाले बानियाँको मोबाइल फोनको प्राविधिक विश्लेषणको आधारमा उनको खोजी थालेको थियो । उनको मोबाइल सोमबार दिउँसो १ बजे बल्खु खोला छेऊबाट स्वीच अफ भएको थियो ।
अनुसन्धान अधिकृतका अनुसार सोमबार दिउँसो ३:२३ मा बानियाँ बल्खु खोलाको पुलमुनि देखिएका थिए । बाटो छेऊबाट हिलैहिलो उनी हिँडेको देखेपछि स्थानीयले त्यता नजान भनेका थिए ।
खोलामा हराएको हुनसक्ने आशंकामा नेपाली सेना, नेपाल प्रहरी र सशस्त्र प्रहरीले उनको खोजी थालेको थियो।खोला किनारमा भेटिएको जुत्ता बानियाँकी छोरीले बुबाकै भएको पुष्टि गरेकी थिइन् । भने त्यसपछि उनको मृत्यु भएको पुष्टि भएको हो ।
पत्रकार बलराम बानियाँ कान्तिपुर दैनिकका सहायक सम्पादक पनि हुन् ।
