काठमाडौँ । थापाथलीस्थित प्रसूति तथा स्त्रीरोग अस्पतालमा बच्चा चोरी भएको छ ।
शुक्रवार प्रसूति तथा स्त्रीरोग अस्पतालको कम्पाउन्ड भित्रबाट २२ वर्षीय सविना श्रेष्ठको बच्चा चोरी भएको हो ।
उनी काभ्रेपलान्चोक चौरीदेउराली गाँउपालिका–३ घर भई काठमाडौँको कपनमा बस्दै आएकी थिइन् ।
उनको २२ दिनको छोरी चोरिएको हो ।
प्रहरीका अनुसार आमाले बच्चालाई बोकी रहेको अवस्थामा एक अपरिचित महिलाले एक छिन म समातिदिन्छु भन्दै आमाबाट बच्चा लिएकी थिइन् । उक्त अपरिचित महिलाले आमाको आँखा छली बच्चा लिएर बेपत्ता भएको प्रहरीले जनाएको छ ।
ती अपरिचित महिलाको व्यापक खोजी भइरहेको प्रहरीले जनाएको छ ।
