पुष्कर खड्का
रामेछाप । रामेछापको लिखुतामाकोशी गाउँपालिकामा एक १७ बर्षकी किशोरीलाई जबरजस्ती करणी गरी फरार रहेका युवकलाई रामेछाप प्रहरीले पक्राउ गरेको छ ।
पक्राउ पर्नेमा लिखुतामाकोशी गाउँपालिका वडा नं. ६ बस्ने बर्ष २२ को अम्वर बहादुर कडरियालाई पक्राउ गरेको हो ।
किशोरी बिद्यालयबाट पौष ३ गते दिउँसो २ बजेको समयमा आफ्नो घरतर्फ गईरहेको अवस्थामा कडरियाले खिम्ती स्थित डल्ले चौताराको जंगलमा जबरजस्ती करणी गरी फरार भएका थिए ।
कडरियालाई पक्राउ गरी जिल्ला अदालत रामेछापबाट म्यादथप भई अनुसन्धान कार्य भैरहेको रामेछाप प्रहरीले जानकारी दिएको छ ।
