एजेन्सी । युक्रेनका राष्ट्रपति भोलीदिमीर जेलेन्स्कीले आफ्नो देश बिरुद्धको रुसी युद्ध अन्त्य गर्न बिश्व समुदायलाई एकजुट हुन अपील गर्नुभएको छ ।
राष्ट्रसंघीय महासभालाई सम्बोधन गर्दै जेलेन्स्कीले दुष्टहरुको बिश्वास नगर्न आग्रह गर्दै रुसले बिश्वलाई नै युद्धमा धकेल्न खोजेको आरोप लगाउनुभयो । जलवायु परिवर्तन जस्ता साझा चुनौतीलाई समेत रुसले वेवास्ता गरेको भन्दै उहाँले रुसलाई आणबिक हतियार राख्ने अधिकार समेत नभएको जिकीर गर्नुभयो ।
रुसका आणविक हतियार नियन्त्रण गरी रुसी राष्ट्रपति लगायतलाई युद्ध अपराधीको रुपमा दण्डित गर्न पनि जेलेन्स्कीले बिश्व समुदायलाई आग्रह गर्नुभयो । रुसले युक्रेनमा नरसंहार मच्चाएको भन्दै जेलेन्स्कीले रुस विश्वका लागि खतरा बनेको आरोप पनि लगाउनुभयो ।
