काठमाडौं । नेकपा एकीकृत समाजवादीको केन्द्रीय सचिवालय बैठक शनिबार पनि बस्दैछ ।
पार्टी अध्यक्ष माधवकुमार नेपालको अध्यक्षतामा पार्टी कार्यालयमा शुक्रवार बसेको बैठकमा नेताहरूले बोल्न क्रम जारी रहेकाले शनिबार पुनःबस्ने गरी बैठक स्थगित भएको थियो ।
बैठकमा मुलुकमा विकसित राजनीतिक घटनाक्रम,पार्टीले निर्वाह गर्नुपर्ने भूमिका,संगठन सुदृढीकरण अभियानको समीक्षा तथा समसामयिक विषयमा छलफल भइरहेको बताइएको छ ।
संगठन सुदृढीकरण विशेष अभियानसम्बन्धी जानकारी गराइएको बैठकमा वर्तमान परिस्थिति र कार्यभार,आगामी कामको विस्तृत योजना,कामको उद्देश्य, प्राथमिकता, कार्ययोजना, कार्य विभाजन, पार्टीका रिक्त रहेको पदाधिकारी तथा सदस्यमा मनोनित लगायतका विषयमा प्रस्ताव र कमिटीका समायोजन तथा थपघटबारे छलफल भईरहेको जनाइएको छ ।
३ दिनसम्म चल्ने बैठकमा जनसंगठन युवा र विद्यार्थी,विभागका काम र व्यवस्थापन,प्रचार विभागबारे पनि छलफल हुने बताइएको छ ।
