काठमाडौँ । अनलाइनमार्फत जुवा खेलाउने कार्यमा संलग्न भएको आरोपमा “राजु मास्टर”(राजु पौडेल) पनि पक्राउ परेको खुलेको छ । काठमाडौँ अपराध अनुसन्धान कार्यालयको टोलीले “बल्छी ध्रुवे” भनिने मरिमान श्रेष्ठसँगै”राजु मास्टर”भनिने राजु पौडेललाई पनि पक्राउ गरेको खुलेकाे हाे । पक्राउ परेका अन्य ६ जनाको नाम खुल्न सकेको छैन ।
काठमाडौँ जिल्ला प्रहरी परिसरका एसएसपी दानबहादुर कार्कीका अनुसार उनीहरुलाई काठमाडौँको स्वयम्भुलगायत विभिन्न ठाउँबाट पक्राउ गरिएको हो ।
प्रहरीले बुधबार यही प्रकरणमा ५ जनालाई पक्राउ गरेको थियो । विश्वका विभिन्न ठाउँमा हुने खेलको अड्कलबाजी गर्ने गरी जुवा खेल्न उक्त एक्स वान बेट अनलाइनको प्रयोग हुँदै आएको छ । यस्तो जुवा नेपालमा अवैध हो ।
पक्राउ परेकाहरूलाई थप अनुसन्धान र कारबाहीका लागि जिल्ला प्रहरी परिसर भक्तपुर र काठमाडौँमा पठाइएको जानकारी दिएको छ ।
