काठमाडौँ । स्पेनिस ला लिगा अन्तर्गत रियल म्याड्रिड गिरोनासँग स्तब्ध भएको छ । गएराती सम्पन्न खेलमा गिरोनाले रियल म्याड्रिडलाई ४-२ गोल अन्तरले पराजित गरेको हो ।
गिरोनाको जितमा भ्यालेनटाइन कास्टेलानोसले चारै गोल गरेका थिए । उनले खेलको १२औं, २४औ, ४६औ र ६२औं मिनेटमा गोल गरेका थिए । रियल म्याड्रिडका लागि भिनिसियस जुनियर र लुकास भाजक्वेजले एक एक गोल गरेका थिए ।
यस हारले रियल म्याड्रिडलाई उपाधि जितको दौडमा धक्का लागेको छ । रियल म्याड्रिडको ३१ खेलमा ६५ अंक रहेको छ र शिर्ष स्थानमा रहेको बार्सिलोनासँग ११ अंकले पछाडी रहेको छ । यो हारपछि अब बार्सिलोनालाई १४ अंकको अग्रता बनाउने अवसर मिलेको छ । एक खेल कम खेलेको बार्सिलोनाको ३० खेलमा ७६ अंक रहेको छ ।
त्यस्तै यो जितपछि गिरोनाको ३१ खेलमा ४१ अंक भएको छ र लिगमा नवौं स्थानमा उक्लिएको छ ।
