काठमाडौँ । कांग्रेसकातर्फबाट चितवन २ मा प्रतिनिधिसभाका लागि उम्मेदवारी दिएका उमेश श्रेष्ठले रवि लामिछानेको पद गएसँगै आफूलाई विजेता घोषणा गर्न माग गर्दै निर्वाचन आयोगमा निवेदन दिएका छन् । 

त्यस्तो व्यक्तिले निर्वाचनमा प्राप्त गरेको मत पनि मान्न नसकिने भएकाले निर्वाचन जितेको ठान्न नसकिने उल्लेख गरिएको छ । यस्तो अवस्थामा रवि लामिछाने बाहेकका उम्मेदवारका बीचमा मात्रै प्रतिस्पर्धा भएको कानुनी अवस्थालाई इन्कार गर्न नसकिने पत्रमा उल्लेख छ । 

पाँच पन्ने निवेदनमा भनिएको छ, ‘तसर्थ, प्रतिनिधिसभा सदस्य निर्वाचन ऐन, २०७४ को दफा ४ अनुसार सबैभन्दा बढी मत प्राप्त गरेको म निवेदक प्रतिनिधिसभा सदस्यमा निर्वाचित भएको प्रष्टै छ । तसर्थ उक्त दफा ४ बमोजिम चितवन निर्वाचन क्षेत्र नम्बर २ बाट म निवेदक निर्वाचित भएको घोषणा गरी प्रमाणपत्र समेत पाउन भनी श्रीमानसमक्ष सादर निवेदन गर्दछु ।

के छ श्रेष्ठको निवेदनमा ?