काठमाडौँ । सत्ता साझेदार दल नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ र जनता समाजवादी पार्टी (जसपा) का सङ्घीय परिषद् अध्यक्ष डा. बाबुराम भट्टराईबीच भेटवार्ता हुने भएको छ ।
उनीहरूबीच कतिबेला भेटवार्ता हुन्छ भन्नेबारे भने खुलाइएको छैन । प्रचण्ड सचिवालयका एक सदस्यले भने, ‘भेटवार्ता हुन्छ तर, कतिबेला थाहा छैन । हुनचाहिँ आज पनि हुन्छ ।’
यसअघि पनि उनीहरूबीच वान् टू वान् २ पटक भेटवार्ता भइसकेको छ । आजको भेटमा पनि विचार मिल्नेहरूसँग एकता र समाजवादी केन्द्र निर्माणबारे छलफल हुने बताइएको छ ।
