काठमाडौं । रामेछाप नगरपालिकाले आर्थिक बर्ष २०७९/०८० का लागि ७४ करोड ६५ लाख बजेट ल्याएको छ ।
रामेछाप नगरपालिकालाई समृद्ध बनाउने नीति तथा कार्यक्रमसहितको बजेट सार्वजनिक गरेको हो । नगरपालिकाकी नगर उपप्रमुख बालाकुमारी कार्कीले आगामी आर्थक बर्षको बजेट तथा नीति कार्यक्रम सार्वजनिक गर्दै निर्वाचनमा गरिएको प्रतिबद्धता अनुसार नीति तथा कार्यक्रम र बजेट ल्याइएको बताएकी छन् ।
बिहिबार नगरपालिकाको ११ औं नगरसभामा बजेट सार्वजनिक गर्दै उनले विगतको भएको राम्रो कामलाई निरन्तरता दिएको बताउदै नगरपालिकाको विकासका लागि केन्द्रीत गरेर बजेट ल्याइएको बताइन ।
रामेछाप नगरपालिकाले ‘शिक्षा, स्वास्थ्य, कृषि, खानेपानी, पर्यटन र पूर्वाधार र समृद्ध रामेछाप निर्माणको आधार’को नारा अघि सारेको छ ।
नगरपालिकाले महिलासँग उपमेयर कार्यक्रम सञ्चालन गर्ने भएको छ ।
