काठमाडौं । नेपाल आयल निगमले भारतीय आयल कर्पोरेसन (आइओसी) ले फेरि पेट्रोलियम पदार्थको नयाँ मूल्य सूची पठाएको जानकारी दिएकाे छ ।शुक्रबार निगमले विज्ञप्ति जारी गर्दैै भारतबाट आएको नयाँ मूल्यसूची अनुसार पेट्रोलको भाउ १ रुपैयाँ ४८ पैसाले घटेर आए पनि निगमलाई आगामी १५ दिनको घाटा ५ अर्ब २१ करोड हुनेछ । आइओसी पठाएको नयाँ मूल्यअनुसार डिजेलमा प्रतिलिटर ०.०२ रुपैयाँले, मट्टितेलमा २२ रुपैयाँ १९ पैसाले र हवाई इन्धनमा ४ रुपैयाँ २३ पैसाले बढेर आएको छ भने पेट्रोलमा १ रुपैयाँ ४८ पैसाले घटेर आएको छ ।
यसैगरी खाना पकाउने एलपी ग्यासमा अधिकतम २७३ रुपैयाँ ३८ पैसाले मूल्य बढेर आएको निगमले विज्ञप्तिमा उल्लेख गरेको छ ।
