©नेत्र बहादुर कार्की
काठमाडौं । रामेछापको गोकुलगंगा गाउँपालिकाको गोकुलगंगा अस्पतालमा निःशुल्क स्वास्थ्य परीक्षण शिविर सम्पन्न भएको छ ।
शिविरमा ५ सय ६४ जनाको निःशुल्क स्वास्थ्य परीक्षण भएको छ । सो गाउँपालिकाका प्रकाश कार्की र भगवान कार्कीको व्यवस्थापन र काठमाडौं मेडिकल कलेजको प्राविधिक सहयोग एवं गोकुलगंगा गाउँपालिकाको संयुक्त आयोजनामा शिविर सञ्चालन भएको थियो ।
शिविरमा १ सय ४३ जनाको ल्याब परीक्षण गरिएको थियो । त्यस्तै १ सय ८५ जनाको भिडियो एक्सरे, १ सय ५६ जनाको इसीजी तथा २ सय ५० जनाको एकसरे गरिएको आयोजक टिमले जनाएको छ ।
शिविरमा जनरल मेडिकल, जनरल सर्जरी, नाक कान घाँटी, प्रसूति तथा स्त्री रोग सेवा, हाड जोर्नी तथा नसा, आँखा, बाल रोग छाला रोग लगायतका रोगको परीक्षण तथा उपचार गरिएको थियो ।
