पोखराः नेकपा एमाले कास्कीको अध्यक्षमा मनबहादुर गुरुङ निर्वाचित हुनु भएको छ । उहाँले ४ सय ५६ मत ल्याउनु भई कास्की अध्यक्षमा निर्वाचित हुनु भएको हो । अध्यक्षका प्रतिस्पर्धी दामोदर बैरागी ४ सय ७ मत ल्याउनु भएको छ ।
एमाले कास्कीका कार्यवाहक अध्यक्ष समेत रहनु भएका गुरुङलाई एमाले उपमहासचिव पृथ्वी सुब्बा गुरुङको साथ रहेको थियो । बैरागी नवौं जिल्ला अधिवेशनमा सचिवमा निर्वाचित हुनु भएको थियो । प्रर्तिस्पर्धी बैरागीलाई एमाले संगठन विभाग प्रमुख खगराज अधिकारीको साथ रहेको थियो ।
उपाध्यक्षमा गुरुङ प्यानलका तेजनारायण अधिकारी बिजयी हुनु भएको छ । उहाँले ४ सय २१ मत ल्याउनु भई विजयी हुनु भएको हो । उहाँका प्रतिस्पर्धी प्रभा कोइरालाले ४ सय १३ मत ल्याउनु भएको छ ।
यस्तै, सचिवमा बैन बहादुर क्षेत्री निर्वाचित हुनु भएको छ । क्षेत्रीले ४ सय ७५ मत ल्याउनु भएको थियो । उहाँँका प्रतिस्पर्धी बिष्णु बहादुर केसी ३ सय ६४ मत ल्याउनु भएको थियो ।
उपसचिवमा दर्शन लामा र नवराज ओझा विजयी हुनु भएका छन् । लामाले ५ सय ४० र नवराज ओझाले ४ सय ४३ मत ल्याएर विजयी हुनु भएका हुन् । उपसचिवमा प्रतिस्पर्धी इमानराज पौडेलले ३ सय ५५ र मनबुझा विकले २ सय ३७ मत ल्याएका थिए ।
