सुर्खेत । महिलालाई दुर्व्यवहार गर्ने सुर्खेतका तीन जना धामी र पुजारी एक/एक लाख धरौटीमा छुटका छन् ।सुर्खेत जिल्ला अदालत निर्णयअनुसार उनीहरू धरौटीमा छुटेको जिल्ला प्रहरी कार्यालय सुर्खेतका निमित्त प्रवक्ता प्रहरी निरीक्षक कनक शाहीले जानकारी दिए ।
पुस ६ गते कूलपूजाको बेलामा एक महिलालाई खुट्टाको पैताला चटाउँदै अमानवीय व्यवहार गरेको आरोपमा सुर्खेत वीरेन्ऽनगर नगरपालिका-११ का ६६ वर्षीय भूपेन्द्र ज्ञवाली, वडा नम्बर ७ का भक्ति ज्ञवाली र बराहताल गाउँपालिका-८ का मिलन ज्ञवालीलाई पक्राउ परेका थिए ।
उनीहरूले महिलामाथि दुर्व्यवहार गरेको भिडिओ सार्वजनिक भएको थियो । भिडिओ सार्वजनिक भएपछि प्रहरीले प्रतिवेदन तयार गरी मानव अधिकारकर्मी र महिला अधिकारकर्मीको सहयोगमा मुद्दा दर्ता गराएको थियो ।अनुसन्धानपछि प्रहरीले सरकारी वकिलमार्फत पुस १६ गते उनीहरुलाई अदालतलमा बुझाएको थियो ।
पुस ४ गते सुर्खेतको लेकवेशी नगरपालिका-४ दशरथपुरमा ज्ञवाली परिवारको कूल पूजामा आएकी बाँके खजुराकी महिलामाथि उनीहरुले दुर्व्यवहार गरेका थिए ।
सार्वजनिक भिडिओका आधारमा उनीहरूमाथि मुद्दा चलाइए पनि पीडित भनिएकी महिलाले भने जाहेरी नै दिन मानेकी थिइनन् । उनले प्रहरीसँगको सोधपुछका क्रममा आफूमाथि दुव्यर्वहार नभएको बयान दिएकी थिइन् ।यो घटनामा पीडित भनिएकै महिलाकै माइतीघरमा भएको कूलपूजाका क्रममा शरीरमा देउता चढेको निहुँँमा तीन जना पुरूषहरूले उनीमाथि अमानवीय व्यवहार गरेका थिए ।
